لحظة اخيره

لحظة اخيره

خليكى فى حضنى

وحسى بقلبى وبحبى

قبل ما نفترق

خلينى اشوف عينيكى

والمس قلبك واودعك

هى دى الايام

اللى حلفنا بيها بتموت

ويختفى حبنا

ويبتدى جرح وقلوب بتدوب

ودموعنا بنخبيها

علشان لحظة الفرح يادوب

هتقولك مع السلامه

وترسم ليكى طريق الامل وابتسامه

ولا ننسى ايامنا واحلامنا

ولا نندم على حب

كان بينا زمان

ولا على جرح ابتدى

خلينى اضمك بعينيا

وايديكى تلمس ايديا

حبيبى ... مع السلامة

اسأل عليا

اسأل عليا بنظرة

حتى لو من غير كلام

اعرف ايه اللى جرى ليا

من قساوة الايام

بعدت عنى وبعت قلبى

اشتريت حب

وقتلت عينيا وغرقت دمعى

وعلشان بحبك

استحملت قساوتك

جرحك وظلمك

ونار بعدك

وفكرت فيك

وصدقنى سألت عليك

وتقولى مش عارف

خايف

تغرق فى حبى

تنجرح من قلبى

حبيبى

الجرح اللى بتتكلم عليه

جرحى انا

والعذاب كان من نصيبى انا

ولسه باسأل عليك

ونستنى

وانا مش ناسيك

وبافكر فى حضنك

فى قلبك

ويا ترى انت عامل ايه

مش قادر انساك

او ابعد واتمنى الرحيل

صورتك رسمتها بدقات قلبى

وباحبك

وعارف انه مستحيل

وبافكر فيك

ولسه باسأل عليك

ومستنيك

تسأل عليا

ما تخافيش حبيبتى

ما تخافيش حبيبتى عليا

يومين والدمع هيخلص من عينيا

متخافيش عليا

هيعدى الحزن ويفوت

وقلبى مش هيموت

الا وايديك حاضنه ايديا

ما تخافيش حبيبتى عليا

هاعيش احبك

ولا عمرى انسى قلبك

وجوا قلبى صورتك وملامحك

ماتخافيش حبيبتى

مش هاقولك امشى

علشان حبى انتهى فى قلبك

وصدقينى

مش ممكن اعيش من غيرك

ولسه باناديكى

حتى لو فى ضعفك

اجرى عليكى

وامسح الحزن من عينيكى

متخافيش حبيبتى

بعد العمر ما فات

والشعر شاب

لسه باتمنى احضن ايديكى

ومستنيكى

وصدقينى القلب لسه ملهوف عليكى

عذبيه وموتيه

عاشق بحور عينيكى

ما حبش غيرك ولا عشق غير منديلك

مستنى يحضنك

ويضمك ويقولك

ما تخافيش حبيبتى من الزمان

من الدنيا او من اى انسان

انا وانتى كتبنا اسامينا

واتعاهدنا على ورقة شجر

فى حياة او موت

ولو حتى روحنا هاجرت البشر

نفضل حبيبين

عاشقين لحظة الغروب

اللى اتقابلت فيه قلوبنا

عاشقين الحب

اللى حلمنا بيه وبكت منه عيونا

وخلينا فاكرين

فى نفس المكان

اللى اتقابلنا فيه حبيبين

هنموت فيه عاشقين

وتتقابل روحنا فى نفس المكان

وتقولك

متخافيش حبيبتى

لحظة عتاب

لحظة عتاب

وقلوب خايفه من الفراق والمكتوب

ودموع بتتدارى فى حضن الرموش ساعة اللقا

خلص الكلام

خايفين لتكون اخر الايام

اخر الحب

اخر الحنان

خايفين لتموت قلوب ساعة الفراق

ولاول مره تتكلم عيون

بتمسك فى رموشها

خايفه من الغرق

تضحى بنورها علشان قلبها ما ينحرق

وقطع السكات صوت حبيبتى

ودقات قلبها بتتسابق

حبيبى ياللى عشت العمر كله احلم بيه

مش هاعيش واشوف القسوة فى عينيك

هابعد واكون نصيب قلب تانى

هابعد واعد الساعات ويا الثوانى

وقلبى وقف عن دقاته

عشان عارف ان القسوه مش فيا

ولا عمر الغدربان فى عينيا

ليه يا حبيبتى

عينيا سألت عينيها

ليه اكون الظالم وانا المظلوم

ليه اكون عاشق وحبيبى يخون

ليه تبعدى حتى من غير تفكير

هتروحى لغيرى وهيحبك من غير ضمير

هتموتى قلب كنت كل مناه

هتضيعى حب عشناه

حبيبتى لو الفراق انكتب علينا

صدقينى مش هانساكى

ولو الجرح اتعلم على قلبى هيدق ويديكى حياتى

ولو البعاد من نصيبى

هبعد علشان باهواكى

حبيبتى هتبعدى .. ابعدى

بس من غير ماتخونى

هتبعدى .. ابعدى

ولا تموتى حب حبيتهولك

هتروحى لغيرى افتكريلى

عمرى ما قسيت عليكى

ولا فى يوم من الايام هاقدر اخونك

واسمحيلى اضمك فى حضنى

قلبك يحضن قلبى

ويودعك حبيبتى

لا تحزنى يا قدس

حزين انا على وطن
ولدت فيه بغير اختيار
اغلقت عينى لحظة ولادتى
خوفا من الانهيار
بغير قصد نطقت عشقا
تعالت صرخاتى
احبك يا ارضى
يا قدس يا بلاد الاخيار
حزين انا على وطنى
ضائع تائه
من يدى الى ايادى الكفار
الى يد تقتل اخى
تقتل ابى تقتل الاحرار
بلدى لا تحزنى
لا تنزفى
فانا اعرف اننى ساكون عريسا
برصاص يأخذنى مع الابرار
خلف الجدران اختى تبكى
فى صحوة وانهيار
اصوات رعب ورصاص
واقدام تدوس
على علامة وتقلع شجرة على يد جبار
لا تختار حب ولا حرية
والسجون عندهم هى الاختيار
بيد من نسأل الاعتزار
بيد من نكون احرار
اختاه لا تصرخى ولا تدمعى
ساستشهد
ويكون اسمى انتصار